فضفضه

هاللو طبعا عارفينى انا ملاك الحب
بصراحه انا عندى اقتراح صعب شويه واتمنى انكم كلكم تشاركونى فيه
بس الاهم الصراحه

هانخلى الاقتراح اسمه فضفضه يعنى ادخل واكتب اللى انت عاوزة وماحدش هايقولك انت بتكتب ايه
ايه اللى مضايقك..ايه اللى ممكن يخليك سعيد...اتكلم عن نفسك..مواقف قابلتها صعبه عليك.. مواقف جميله لناس مش قادر تنساهم
وانا هابدا
احم احم احم

فى البدايه انا هاتكلم عن الحاجات اللى بتخلينى مبسوطه...انى اقابل ناس بحبهم وبجد كنت مشتاقلهم..وجميل قوى انى الاقى الناس اللى بحبهم بيعملو الحاجه اللى انا بحبها بغرض سعادتى حتى لو على حابهم دى بقى كبيره عندى قوى..انا بحب الهزار ومش بحب الزعل والنكد لان المسأله مش ناقصه الواحد قرفان اصلا صح ههههههههههههه

بحب الرومانسيه قوىىىىىىىىىىىىىىىىىىىى والهدوء والبساطه والرقه فى كل حاجه حتى التعاملات

بتضايق جدا لما اكون مع حد عارفنى كويس قوى وعارف الحاجه اللى بتضايقنى ويعملها برضه ببقى هاتشل
واكتى حاجه بقى ممكن تخنقنى بجد انى اكون مبسوطه جدا وحد يعكنن عليا
والاكيد انى افقد حد عزيز عليا دى اكتر حاجه بتضايقنى وتحديدا لو حد غدر بيا
واصعب حاجه بالنسبه ليا هى الخيانه

موقف انا مش قادره انساه بقى لما كنت فى المحاضره والغريبه انى كنت بحضرلها من اسبوع علشان احضرها وكل مره بطنش
والمره دى بقى حضرت وكان تدريبات وكده وكان مطلوب كشكول ابحاث والكشكول ده فى اول ورقه بنكتب كل بياناتنا حتى رقم التليفون لانه بيكون مع الدكتور ولما يحب يجيبنا بيوصلنا اوك؟

جه واحد بقى كان هايتشل علشان يتكلم معايا وانا مش مدياله الفرصه اصلا وخلانى بقى وانا واقفه مستنيه اسمى علشان اتقيم وكده لقيته بيقولى ممكن اخد كشكول الابحاث؟؟ عاوز انقل منه يعنى
قلتله اه حاضر بس هاتقيم وهاجيبهولك
قالى اكيد علشان خاطرى(((الاخ واخدها صحوبيه بقى )) قلتله ان شاء الله حاضر قالى وانا واقف اهوة
انا اتقيمت من هنا وطيااااااااااااااااااره على بررررررره قبل مايشوفنى

انا مش على البحث انا على بياناتى اللى فى اول صفحه ماينفعش طبعا ياخده
وتانى حاجه هى بتبدأ كده كشكول وبعدين اقابله تانى علشان اخده وبعدين ينساه واضطر انى اقابله تانى ومره التليفون علشان اعرف انتى فيه والهبل ده كله

هاتقولولى ليه بقى ماقلتلوش لاء وخلاص
هاقولكم لانى ماقدرش اقول لحد لاء براحه وماعرفش احرج حد

يلا كفايه كده
مستنيه كلامكم